Bella! Ma unne di chissu chi vogghiu parrari
amisci tutti duttura e cumpari.
Nta sti picca iorna pi li nostri strati
furrianu paisani tutti beddi mpupati.
Dintra lu paisi vennu a carriari
politisci mpurtanti ca ni vennu a sarvari.
E quantu su fini e dilicati sti politicanti
si li sintiti parrarri vi parinu tutti santi.
Ncucchiati a Palermu cuntrari a Ciminna
addattanu tutti nta la stessa minna.
Assira mi stava fascennu na passiata
quannu m'avviscinau na pirsuna rispittata.
"Neca stavota ti pozzu anningari
pi darici un votu a stu me cumpari?
Ti ricu ca siddu voti pi st'amicu mè
ci putemu addumannari nzoccu egghiè".
Mi rissi rirennu stu beddu amicuni
mentri mi prisintava un gran calantruni.
A siccu lu taliavi pi nu bonu minutu
e poi ciarrispunnivu risolutu.
" Don Coco: senti bonu e attentu sta palora
picchi pensu ca un favuri mu po fari subitu ora.
Neca pi casu nto culu po iri a fari
e mi fa continuari a passiari?
Iddu tuttu nirvusu malamenti mi taliau
e milli surdi sintensi mi mannau.
Haiu pinsatu e ripinsatu pi tutta a iurnata
ri unni mi nisciu sta sparata.
Na cosa sula vi ricu carissimi amisci me
ca stanotti rurmivu megghiu ri un papa e megghiu ri un re!
Ciullo D'alcamo.
Nessun commento:
Posta un commento