Ma
chi ti nni pari cumpari Turi?
Unu
scrivi o sinnacu e t’arrispunni u dutturi.
Giuvanni
me tu si sempri lu solitu defiscenti
Ma
vo metteri l’effettu accussi altisonanti
Chi
nfaccia o populu fa na firma accussi ‘mpurtanti?
Minchia
cumpari Turi chi sugnu stunatu
Unn’avia
pinsatu ca lu sinnacu unne sturiatu
Mentri
lu figghiu dutturi niscì ri l’università
E
di tutti li cosi ti ‘nni parra cu gran capacità.
Caru
Giuvanni ri mia fatti priari
Ca
chisti li cosi li sannu giustrari
Appena
lu nemicu contru ri iddi si lagna
Allura
lu patri abboccia e lu figghiu ‘ncugna.
Lu
ranni metti la so granni esperienza
E
lu nicu la sua ‘nfinita sapienza
Giuvanni
me a ognunu lu so, tu sulu picuraru ti po chiamari
Mentri
lu nicu ca è sturiatu allura dutturi si po firmari.
Amicu
Turiddu chiddu chi mi sta riscennu
Mi
fa megghiu funzionari lu me scarsu sennu
Però
du na cosa sugnu curiusu e ti la vogghiu addumannari:
Ma
unu quannu è dutturi unni l’avi cocche cosa ri fari?
Picchi
stu dutturi nicu chi tu tantu sta avantannu
Nenti
ci viu fari ri quannu agghiorna finu a quannu va scurannu
Neca
pi casu ravanti semu a unu ri ddi cristiani
Ca
mancu su capasci ri vuscarisi un pezzu ri pani?
Cumpari
Giuvanni la verità a vuliti sapiri?
Allora
ti la ricu cu picca parrari.
‘Nta
stu paisi ci nne di tutti culura
Compresi
puru li fasulli duttura.
Ca
mancianu minchiati e cacanu cultura.
Genti
ca ‘nta vita sempri hannu fallutu
E
darreri na maschera s’ammuccianu comu un babbutu.
Ciullo
D’Alcamo
Nessun commento:
Posta un commento